Deputetët e PS dorëzojnë mandatet
shqiperia
Deputetët e PS dorëzojnë mandatet

Deputetët e PS dorëzojnë mandatet

Tiranë, 13 maj - Tre deputetë të Partisë Socialiste kanë dorëzuar këtë të hënë mandatin  e deputetit për të garuar si kandidatë në zgjedhjet lokale të 30 qershorit për kryetarë bashkie.

Përmes një statusi në rrjetin social Facebook, Pjerin Ndreu, i cili garon për bashkinë e Lezhës, ka publikuar tekstin e dorëheqjes drejtuar kryetarit të Kuvendit Gramoz Ruçi.

Gjithashtu mandatin e kanë dorëzuar edhe deputetët Rakip Suli kandidat në Kamzën dhe Ilir Xhakollit kandidat në Pogradec.

Ndërkohë sot është afati i fundit kur duhet të dorëzohen në KQZ emrat e kandidatëve për kryetarë bashkie dhe në bazë të kodit zgjedhor PS pritet të dorëzojë emrat për 10 bashkitë e mëdha që kanë më shumë se një KZAZ.

© ZHURNAL 13.05.2019, 13:06 | Xh.I. | 4,911 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.al, do të thotë se pranoni kushtet për kopjim, të cilat janë publikuar KËTU."