Korça mund të bëhet me aeroport pas 80 vitesh
shqiperia
Korça mund të bëhet me aeroport pas 80 vitesh

Korça mund të bëhet me aeroport pas 80 vitesh

Korçë, 6 dhjetor - Aeroporti i Lumalasit vetëm pak km larg qytetit të Korçës pritet të rivihet në funksionim si një aeroport ndërkombëtar i përmasave të vogla.

Sinjalet e shpresës se rikthimit për këtë investim vijnë nga hartimi i studimit të fizibilitetit për këtë aeroport në periferi të qytetit më të madh në juglindje të Shqipërisë, përcjellë Klan Kosova.

Duke pasur në duar një kopje të këtij studimi, Prefekti Dhori Spirollari ka organizuar një takim me drejtues të pushtetit lokal, si nxitje për hapat e mëtejshëm në realizimin e këtij projekti.

Prefekti Spirollari deklaroi se për ndërtimin e aeroportit ndërkombëtar të përmasave të vogla në Lumalas, përllogaritet një investim me vlerë rreth 25 milion euro, shkruan lapsi.al.

Ai shprehu bindjen se vitin e ardhshëm ky investim do fillojë të realizohet. Edhe pse në kuadrin e projektit, për ngritjen e aeroportit të Lumalasit ka shfaqur interes shoqata e aeronautikës. Ajo mund ta shfrytëzojë aeroportin e Lumalasit për fluturime sportive dhe turistike.

Në rast se ky aeroport i vogël do të nisë nga ndërtimi në vitin 2019, ai rivihet në funksionim plot 90 vite pas uljes së parë të një avioni në të. Ka qenë viti 1929 kur u përurua aeroporti lokal i Lumalasit. Vitet e fundit, në fushën e tij u vendosën blloqe betoni si masë parandaluese për trafikun nga ajri të drogës.

© ZHURNAL 06.12.2018, 09:22 | Xh.I. | 529 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Sela i drejtohet Zaevit: Shiko punët e tua, mos u përziejë në punët e Kosovës

Shkup, 14 dhjetor - Kryetari i Aleancës së Shqiptarëve në Maqedoni, Ziadin Sela, ka reaguar ndaj deklaratave të kryeministrit të Maqedonisë, Zoran Zaev, se “ tani nuk është koha për ta formuar ushtrinë e Kosovës, dhe se Ballkani nuk duhet të bëhet fuqi baruti”.

Sela me këtë rast ka thënë se “bën thirrje tek liderët e shteteve të kenë kujdes për vendimet e marra, tregojnë fytyrën e zezë dhe nacionaliste të Kryeministrit Zaev, fillimisht ndaj shqiptarëve, Kosovës si dhe ndaj SHBA-ve si mbështetës kryesor i Kosovës në themelimin e Ushtrisë së saj”.

Ai shtoi se “Ky fjalor i Kryeministrit Zaev ndaj Ushtrisë së Kosovës vë në pikëpyetje edhe raportin e tij me SHBA duke lënë për të dyshuar se një Kosovë pa ushtri do ti konvenonte vetëm Serbisë dhe Rusisë. Andaj Kryeministri Zaev bën mirë të shikojë në oborrin e tij dhe ti bëjë reformat e duhura në Maqedoni dhe mos të përzihet në politikën e brendshme të shtetit të Kosovës”.

Deputeti shqiptar në Kuvendin e Maqedonisë e cilëson deklaratën e shefit të ekzekutivit maqedonas si të papranueshme, dhe e fton që ta tërheqë këtë deklaratë.

Ziadin Sela, uron gjithë shqiptarët për formimin e ushtrisë së Kosovës.

© ZHURNAL 14.12.2018, 23:17 | T.E.
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."