Mourinho e vë në dyshim aftësinë e lojtarëve të tij: Ata s’mund t’i bëjnë disa gjëra
sport
Mourinho e vë në dyshim aftësinë e lojtarëve të tij: Ata s’mund t’i bëjnë disa gjëra

Mourinho e vë në dyshim aftësinë e lojtarëve të tij: Ata s’mund t’i bëjnë disa gjëra

Trajneri i Manchester Unitedit, Jose Mourinho, e ka vënë në dyshim aftësinë e lojtarëve pas barazimit kundër Arsenalit mbrëmë, duke thënë se janë disa gjëra që ai nuk mund t’i marrë nga futbollistët e skuadrës së tij.

Manchester Unitedi arriti ta barazojë rezultatin dy herë gjatë ndeshjen së djeshme, por që të dy golat e Arsenalit skuadra e Mourinhos i pranoi për shkak të gabimeve të lojtarëve, transmeton Gazeta Express.

Për golin e parë, David de Gea e bëri një gabim të pazakontë për të dhe topin nuk arriti ta largojë para se ta kalojë vijën e portës as Ander Herrera. Për golin e dytë, Marcos Rojo bëri një gabim duke ia pasuar kundërshtarëve të tij topin.

“Ne e qëllojmë veten shumë herë brenda sezonit, Kjo është me të vërtetë shumë, shumë e vërtetë, por lojtarët treguan një shpirt të madh. Sjellje fantastike nga minuta e parë. Shumë lojtarë ishin në vështirësi”, ka thënë Mourinho.

“Ne duhet ta kishim fituar ndeshjen. I bëmë dy gabime të mëdha për golat e tyre, i bëmë gabimet e tjera që i lejuan ata të na sulmojnë. Është një shenjë pozitive por janë disa gjëra që nuk mund t’i marr nga ta dhe nuk mund të them më shumë se kaq”.

© ZHURNAL 06.12.2018, 09:17 | Xh.I. | 236 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Sela i drejtohet Zaevit: Shiko punët e tua, mos u përziejë në punët e Kosovës

Shkup, 14 dhjetor - Kryetari i Aleancës së Shqiptarëve në Maqedoni, Ziadin Sela, ka reaguar ndaj deklaratave të kryeministrit të Maqedonisë, Zoran Zaev, se “ tani nuk është koha për ta formuar ushtrinë e Kosovës, dhe se Ballkani nuk duhet të bëhet fuqi baruti”.

Sela me këtë rast ka thënë se “bën thirrje tek liderët e shteteve të kenë kujdes për vendimet e marra, tregojnë fytyrën e zezë dhe nacionaliste të Kryeministrit Zaev, fillimisht ndaj shqiptarëve, Kosovës si dhe ndaj SHBA-ve si mbështetës kryesor i Kosovës në themelimin e Ushtrisë së saj”.

Ai shtoi se “Ky fjalor i Kryeministrit Zaev ndaj Ushtrisë së Kosovës vë në pikëpyetje edhe raportin e tij me SHBA duke lënë për të dyshuar se një Kosovë pa ushtri do ti konvenonte vetëm Serbisë dhe Rusisë. Andaj Kryeministri Zaev bën mirë të shikojë në oborrin e tij dhe ti bëjë reformat e duhura në Maqedoni dhe mos të përzihet në politikën e brendshme të shtetit të Kosovës”.

Deputeti shqiptar në Kuvendin e Maqedonisë e cilëson deklaratën e shefit të ekzekutivit maqedonas si të papranueshme, dhe e fton që ta tërheqë këtë deklaratë.

Ziadin Sela, uron gjithë shqiptarët për formimin e ushtrisë së Kosovës.

© ZHURNAL 14.12.2018, 23:17 | T.E.
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."