Ukraina i jep fund “miqësisë” me Rusinë
bota
Ukraina i jep fund “miqësisë” me Rusinë

Ukraina i jep fund “miqësisë” me Rusinë

Parlamenti i Ukrainës, shfuqizoi Marrëveshjen e Miqësisë, Bashkëpunimit dhe Partneritetit të nënshkruar mes Ukrainës dhe Rusisë.

Projektligji i sjellë në parlament për përfundimin e marrëveshjes nga ana e Presidentit të Ukrainës, Petro Poroshenko, u miratua me 277 vota pro prej gjithsej 331 deputetë.

Marrëveshja e miqësisë mes dy vendeve duke filluar nga 1 prill 2019 do të konsiderohet e pavlefshme.

Presidenti Poroshenko më 17 shkurt me vendimin e Këshillit Kombëtar të Sigurisë dhe Mbrojtjes të Ukrainës kishte nënshkruar vendimin për përfundimin e marrëveshjes në fjalë.

Marrëveshja mes Ukrainës dhe Rusisë është nënshkruar më 31 maj 1997, me të cilën të dy vendet i përshkruante si partnerë strategjik.

© ZHURNAL 06.12.2018, 17:11 | T.E. | 1,058 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Sela i drejtohet Zaevit: Shiko punët e tua, mos u përziejë në punët e Kosovës

Shkup, 14 dhjetor - Kryetari i Aleancës së Shqiptarëve në Maqedoni, Ziadin Sela, ka reaguar ndaj deklaratave të kryeministrit të Maqedonisë, Zoran Zaev, se “ tani nuk është koha për ta formuar ushtrinë e Kosovës, dhe se Ballkani nuk duhet të bëhet fuqi baruti”.

Sela me këtë rast ka thënë se “bën thirrje tek liderët e shteteve të kenë kujdes për vendimet e marra, tregojnë fytyrën e zezë dhe nacionaliste të Kryeministrit Zaev, fillimisht ndaj shqiptarëve, Kosovës si dhe ndaj SHBA-ve si mbështetës kryesor i Kosovës në themelimin e Ushtrisë së saj”.

Ai shtoi se “Ky fjalor i Kryeministrit Zaev ndaj Ushtrisë së Kosovës vë në pikëpyetje edhe raportin e tij me SHBA duke lënë për të dyshuar se një Kosovë pa ushtri do ti konvenonte vetëm Serbisë dhe Rusisë. Andaj Kryeministri Zaev bën mirë të shikojë në oborrin e tij dhe ti bëjë reformat e duhura në Maqedoni dhe mos të përzihet në politikën e brendshme të shtetit të Kosovës”.

Deputeti shqiptar në Kuvendin e Maqedonisë e cilëson deklaratën e shefit të ekzekutivit maqedonas si të papranueshme, dhe e fton që ta tërheqë këtë deklaratë.

Ziadin Sela, uron gjithë shqiptarët për formimin e ushtrisë së Kosovës.

© ZHURNAL 14.12.2018, 23:17 | T.E.
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."