Ushtria e Pakistanit mbështet bisedimet e SHBA-së për paqe me talibanët afganë
bota
Ushtria e Pakistanit mbështet bisedimet e SHBA-së për paqe me talibanët afganë

Ushtria e Pakistanit mbështet bisedimet e SHBA-së për paqe me talibanët afganë

Ushtria e Pakistanit ka njoftuar të enjten se mbështet përpjekjet e Shteteve të Bashkuara për arritjen e një zgjidhjeje politike me talibanët afganë për t’i dhunë fund luftës 17 vjeçare, duke i bërë thirrje Uashingtonit që ta konsiderojë Kabulin si mik në rajon në vend të “dështimit”.

Këto komente nga zëdhënësi i ushtrisë pakistaneze, gjenerali, Asif Ghafoor, kanë ardhur pak kohë pasi përfaqësuesi special i SHBA-së për Afganistanin, Zalmay Khalilzad, ka njoftuar për një vizitë të realizuar në kryeqytetin e Pakistanit, Islamabad.

“Aq sa kemi mundësi do të bashkëpunojmë”, ka thënë Ghafoor në qytetin Ravalpindi, duke iu përgjigjur pyetjes se si mund t’i ndihmojë Pakistani SHBA-së për të negociuar një zgjidhje politike me talibanët, shkruan REL.

“Ajo se çfarë SHBA pret nga ne dhe zyra e Jashtme është që në një mënyrë ata të negociojne me talibanët”.

Khalilzad, i lindur në Afganistan, mirëpo diplomat i SHBA-së, që ka shërbyer si ambasador amerikan në Afganistan, Irak dhe Kombe të Bashkuara gjatë udhëheqjes së ish- presidentit George W. Bush, është emëruar nga administrata e Trumpit tre muaj më parë si i dërguar special për të negociuar paqen.

Vizita e tij në Pakistan ka ndodhur pas kërkesës së presidentit amerikan, Donald Trump ndaj kryeministrit pakistanez, Imran Khan, që shteti i tij në ndihmojë ne procesin e paqes në shtetin fqinj.

Uashingtoni i ka bërë presion Islamabadit për një kohë të gjatë, për siç ka thënë strehim të talibanëve afganë, mirëpo autoritetet pakistaneze kanë mohuar një gjë të tillë.

© ZHURNAL 06.12.2018, 16:15 | Xh.I. | 462 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Sela i drejtohet Zaevit: Shiko punët e tua, mos u përziejë në punët e Kosovës

Shkup, 14 dhjetor - Kryetari i Aleancës së Shqiptarëve në Maqedoni, Ziadin Sela, ka reaguar ndaj deklaratave të kryeministrit të Maqedonisë, Zoran Zaev, se “ tani nuk është koha për ta formuar ushtrinë e Kosovës, dhe se Ballkani nuk duhet të bëhet fuqi baruti”.

Sela me këtë rast ka thënë se “bën thirrje tek liderët e shteteve të kenë kujdes për vendimet e marra, tregojnë fytyrën e zezë dhe nacionaliste të Kryeministrit Zaev, fillimisht ndaj shqiptarëve, Kosovës si dhe ndaj SHBA-ve si mbështetës kryesor i Kosovës në themelimin e Ushtrisë së saj”.

Ai shtoi se “Ky fjalor i Kryeministrit Zaev ndaj Ushtrisë së Kosovës vë në pikëpyetje edhe raportin e tij me SHBA duke lënë për të dyshuar se një Kosovë pa ushtri do ti konvenonte vetëm Serbisë dhe Rusisë. Andaj Kryeministri Zaev bën mirë të shikojë në oborrin e tij dhe ti bëjë reformat e duhura në Maqedoni dhe mos të përzihet në politikën e brendshme të shtetit të Kosovës”.

Deputeti shqiptar në Kuvendin e Maqedonisë e cilëson deklaratën e shefit të ekzekutivit maqedonas si të papranueshme, dhe e fton që ta tërheqë këtë deklaratë.

Ziadin Sela, uron gjithë shqiptarët për formimin e ushtrisë së Kosovës.

© ZHURNAL 14.12.2018, 23:17 | T.E.
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."