Sektori i turizmit kundër tatimit progresiv
ekonomi
Sektori i turizmit kundër tatimit progresiv

Sektori i turizmit kundër tatimit progresiv

Shkup, 6 dhjetor - Paralajmërimet për futjen e tatimit progresiv dhe politikat e reja tatimore do të ndikojnë negativisht në turizmin, vlerësojnë nga sektori i turizmit. Dekani i Fakultetit të Turizmit në Ohër, Cvetko Andreeski thotë se është e nevojshme të mendohet edhe një herë para se tatimi i ri të hyjë në fuqi.

    Mendoj se ajo që tani po jepet si ligj për ndryshimin e sferës së tatimeve do të ndikojë keq sidomos në pjesën e turizmit dhe hoteleve, por sidomos me akomodimin privat, sepse për qiranë ndryshohet norma tatimore për 50% ndërsa zvogëlohet pjesa e kostove të pranuara prej 30%. Kjo do të jetë një goditje për qiradhënësit privat që janë në një shkallë të madhe sidomos në rajonin planor Jugperëndimor” –  tha Cvetko Andreevski – Dekani i Fakultetit të Turizmit

    Të gjithë këto reforma do ta vështirësojnë punën e firmave dhe praktikisht ato rregullore sjellin detyrime shtesë për vetë kompanitë. Ato nuk vlejnë sipas sektorit, por vlejnë për të gjitha subjektet afariste. Ne, si një sistem i Odave së bashku dolëm me qëndrimin që reforma tatimore të shtyhet për 5 vjet” – u shpreh Ljubomir Dimovski, Përfaqësues i komunitetit të biznesit

Përveç kësaj, kërkohet që shteti të jep subvencione në disa segmente të turizmit. Modeli ekzistues i mbulon vetëm operatorët turistik që sjellin turistë të huaj.

    Për një periudhë të gjatë po përpiqemi të ndryshojmë këtë model të subvencionimit dhe subvencionimin veçanërisht ta ndjerë hotelierët. Ajo që për ne është me rëndësi, objektet hotelierike për prenotime dhe restorante hotelierike duhet të përfshihen në subvencionim” – theksoi Danijela Mihajlovska Vasilevski – Oda Ekonomike e Maqedonisë.

Për rëndësinë e sektorit turistik tregojnë edhe të dhënat e fundit, sipas të cilave, vetëm në tremujorin e parë të këtij viti, turistët kanë shpenzuar pothuajse 65 milionë dollarë për udhëtime në Maqedoni, që është për 26.5% më shumë se vitin e kaluar. Të dhënat u publikuan në forumin për zhvillim strategjik të turizmit që u mbajt në Ohër.

© ZHURNAL 06.12.2018, 15:34 | Xh.I. | 909 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Sela i drejtohet Zaevit: Shiko punët e tua, mos u përziejë në punët e Kosovës

Shkup, 14 dhjetor - Kryetari i Aleancës së Shqiptarëve në Maqedoni, Ziadin Sela, ka reaguar ndaj deklaratave të kryeministrit të Maqedonisë, Zoran Zaev, se “ tani nuk është koha për ta formuar ushtrinë e Kosovës, dhe se Ballkani nuk duhet të bëhet fuqi baruti”.

Sela me këtë rast ka thënë se “bën thirrje tek liderët e shteteve të kenë kujdes për vendimet e marra, tregojnë fytyrën e zezë dhe nacionaliste të Kryeministrit Zaev, fillimisht ndaj shqiptarëve, Kosovës si dhe ndaj SHBA-ve si mbështetës kryesor i Kosovës në themelimin e Ushtrisë së saj”.

Ai shtoi se “Ky fjalor i Kryeministrit Zaev ndaj Ushtrisë së Kosovës vë në pikëpyetje edhe raportin e tij me SHBA duke lënë për të dyshuar se një Kosovë pa ushtri do ti konvenonte vetëm Serbisë dhe Rusisë. Andaj Kryeministri Zaev bën mirë të shikojë në oborrin e tij dhe ti bëjë reformat e duhura në Maqedoni dhe mos të përzihet në politikën e brendshme të shtetit të Kosovës”.

Deputeti shqiptar në Kuvendin e Maqedonisë e cilëson deklaratën e shefit të ekzekutivit maqedonas si të papranueshme, dhe e fton që ta tërheqë këtë deklaratë.

Ziadin Sela, uron gjithë shqiptarët për formimin e ushtrisë së Kosovës.

© ZHURNAL 14.12.2018, 23:17 | T.E.
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."