Shqipëria dënon “ekstremizmin” ndaj shqiptarëve në Greqi
shqiperia
Shqipëria dënon “ekstremizmin” ndaj shqiptarëve në Greqi

Shqipëria dënon “ekstremizmin” ndaj shqiptarëve në Greqi

Tiranë, 6 dhjetor - Ministria e Jashtme e Shqipërisë e dënoi vrasjen e katër shqiptarëve në Greqi, ashtu si edhe “gjuhën e urrejtjes” të propaganduar nga partia ekstremiste greke “Agimi i Artë”.

Ministria u bëri thirrje autoriteteve të Greqisë “të dënojnë dhe të ndalojnë çdo përpjekje të ‘Agimit të Artë’ ose të segmenteve të tjera ekstremiste për të shkelur sigurinë dhe dinjitetin e shqiptarëve” atje.

Katër shqiptarë vdiqën në Greqi në dy javët e kaluara, përfshirë njërin që u vra nga një mbështetës i dyshuar i “Agimit të Artë” dhe një tjetër që u qëllua për vdekje nga policia greke gjatë përpjekjes për të kaluar në mënyrë të paligjshme kufirin.

Një i burgosur shqiptar dhe një 18-vjeçar u gjetën po ashtu të vdekur në rrethana të dyshimta.

Tensionet midis dy fqinjëve u rritën në tetor, pas vrasjes së një shtetasi shqiptaro-grek, anëtar i “Agimit të Artë”, në një shkëmbim zjarri me policinë shqiptare.

© ZHURNAL 06.12.2018, 11:06 | Xh.I. | 412 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Sela i drejtohet Zaevit: Shiko punët e tua, mos u përziejë në punët e Kosovës

Shkup, 14 dhjetor - Kryetari i Aleancës së Shqiptarëve në Maqedoni, Ziadin Sela, ka reaguar ndaj deklaratave të kryeministrit të Maqedonisë, Zoran Zaev, se “ tani nuk është koha për ta formuar ushtrinë e Kosovës, dhe se Ballkani nuk duhet të bëhet fuqi baruti”.

Sela me këtë rast ka thënë se “bën thirrje tek liderët e shteteve të kenë kujdes për vendimet e marra, tregojnë fytyrën e zezë dhe nacionaliste të Kryeministrit Zaev, fillimisht ndaj shqiptarëve, Kosovës si dhe ndaj SHBA-ve si mbështetës kryesor i Kosovës në themelimin e Ushtrisë së saj”.

Ai shtoi se “Ky fjalor i Kryeministrit Zaev ndaj Ushtrisë së Kosovës vë në pikëpyetje edhe raportin e tij me SHBA duke lënë për të dyshuar se një Kosovë pa ushtri do ti konvenonte vetëm Serbisë dhe Rusisë. Andaj Kryeministri Zaev bën mirë të shikojë në oborrin e tij dhe ti bëjë reformat e duhura në Maqedoni dhe mos të përzihet në politikën e brendshme të shtetit të Kosovës”.

Deputeti shqiptar në Kuvendin e Maqedonisë e cilëson deklaratën e shefit të ekzekutivit maqedonas si të papranueshme, dhe e fton që ta tërheqë këtë deklaratë.

Ziadin Sela, uron gjithë shqiptarët për formimin e ushtrisë së Kosovës.

© ZHURNAL 14.12.2018, 23:17 | T.E.
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."