Një javë i zhdukur, prindërit e 21-vjeçarit: Dyshojmë se e thirri një shok
shqiperia
Një javë i zhdukur, prindërit e 21-vjeçarit: Dyshojmë se e thirri një shok

Një javë i zhdukur, prindërit e 21-vjeçarit: Dyshojmë se e thirri një shok

Tiranë, 5 dhjetor - Është larguar pa lënë gjurmë një 21 vjeçar në Maqellarë. Prindërit e një 21-vjeçari alarmuan mungesën e djalit të tyre prej një jave.

I riu, Mateo Aga, është zhdukur pa gjurmë mbrëmjen e një jave më parë, sipas prindërve.

Ata kanë rrëfyer edhe lëvizjet e fundit të djalit të tyre, përpara se të zhdukej. Në orën 21.35, pasi ka dalë nga një lokal në Maqellarë, ka vajtur në shtëpi në fshatin Grezhdan me makinën e një bashkëfshatari.

Aty ka hequr rrobat që kishte veshur dhe mendohet se ka veshur rroba të tjera dhe një xhup ngjyrë ushtarake. Prindërit thonë se i riu nuk ka patur telefon me vete dhe bisedat i bënte nga telefonët e shokëve. Ata dyshojnë se djali i tyre ka dalë nga shtepia, pasi është thirrur nga ndonjë shok.

Nga ai moment prindërit nuk kanë asnjë informacion për djalin.

Ndërkohë policia vendore e ka shpallur person të zhdukur 21-vjeçarin dhe ka dorëzuar dokumentat në prokurori.

© ZHURNAL 05.12.2018, 13:03 | Xh.I. | 407 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Sela i drejtohet Zaevit: Shiko punët e tua, mos u përziejë në punët e Kosovës

Shkup, 14 dhjetor - Kryetari i Aleancës së Shqiptarëve në Maqedoni, Ziadin Sela, ka reaguar ndaj deklaratave të kryeministrit të Maqedonisë, Zoran Zaev, se “ tani nuk është koha për ta formuar ushtrinë e Kosovës, dhe se Ballkani nuk duhet të bëhet fuqi baruti”.

Sela me këtë rast ka thënë se “bën thirrje tek liderët e shteteve të kenë kujdes për vendimet e marra, tregojnë fytyrën e zezë dhe nacionaliste të Kryeministrit Zaev, fillimisht ndaj shqiptarëve, Kosovës si dhe ndaj SHBA-ve si mbështetës kryesor i Kosovës në themelimin e Ushtrisë së saj”.

Ai shtoi se “Ky fjalor i Kryeministrit Zaev ndaj Ushtrisë së Kosovës vë në pikëpyetje edhe raportin e tij me SHBA duke lënë për të dyshuar se një Kosovë pa ushtri do ti konvenonte vetëm Serbisë dhe Rusisë. Andaj Kryeministri Zaev bën mirë të shikojë në oborrin e tij dhe ti bëjë reformat e duhura në Maqedoni dhe mos të përzihet në politikën e brendshme të shtetit të Kosovës”.

Deputeti shqiptar në Kuvendin e Maqedonisë e cilëson deklaratën e shefit të ekzekutivit maqedonas si të papranueshme, dhe e fton që ta tërheqë këtë deklaratë.

Ziadin Sela, uron gjithë shqiptarët për formimin e ushtrisë së Kosovës.

© ZHURNAL 14.12.2018, 23:17 | T.E.
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."