Në aeroportin e Shkupit pritet udhëtari i dy miliontë
ekonomi
Në aeroportin e Shkupit pritet udhëtari i dy miliontë

Në aeroportin e Shkupit pritet udhëtari i dy miliontë

Shkup, 5 dhjetor – Ivana Nikolloska nga Prilepi, e cila jeton në Melburn, është udhëtarja e dy miliontë në Aeroportin e Shkupit.

Ajo paradite arriti nga Doha me aeroplanin e “Katar Eruejs”, ndërsa në aeroport u prit nga ministri i Transportit dhe Lidhjeve Goran Sugarevski, Drejtori Ekzekutiv i TAV Maqedoni Alper Ersoj dhe përfaqësues nga kompania.

Në një deklaratë të shkurtër për mediat Nikollovska tha se vjen në Maqedoni për festat e ardhshme dhe se është e suprizuar dhe e lumtur që pikërisht ajo është udhëtarja e dy miliontë.

“Kjo me të vërtetë është një surprizë e madhe. Jam shumë e lumtur që unë jam udhëtarja e përzgjedhur. Shpresoj se numri do të rritet në të ardhmen”, tha Nikolloska.

Me orarin dimëror të fluturimeve nga Aeroporti Ndërkombëtar në Shkup funksionojnë 37 linja të rregullta ajrore në 35 destinacione.

© ZHURNAL 05.12.2018, 11:10 | D.J. | 20,844 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Sela i drejtohet Zaevit: Shiko punët e tua, mos u përziejë në punët e Kosovës

Shkup, 14 dhjetor - Kryetari i Aleancës së Shqiptarëve në Maqedoni, Ziadin Sela, ka reaguar ndaj deklaratave të kryeministrit të Maqedonisë, Zoran Zaev, se “ tani nuk është koha për ta formuar ushtrinë e Kosovës, dhe se Ballkani nuk duhet të bëhet fuqi baruti”.

Sela me këtë rast ka thënë se “bën thirrje tek liderët e shteteve të kenë kujdes për vendimet e marra, tregojnë fytyrën e zezë dhe nacionaliste të Kryeministrit Zaev, fillimisht ndaj shqiptarëve, Kosovës si dhe ndaj SHBA-ve si mbështetës kryesor i Kosovës në themelimin e Ushtrisë së saj”.

Ai shtoi se “Ky fjalor i Kryeministrit Zaev ndaj Ushtrisë së Kosovës vë në pikëpyetje edhe raportin e tij me SHBA duke lënë për të dyshuar se një Kosovë pa ushtri do ti konvenonte vetëm Serbisë dhe Rusisë. Andaj Kryeministri Zaev bën mirë të shikojë në oborrin e tij dhe ti bëjë reformat e duhura në Maqedoni dhe mos të përzihet në politikën e brendshme të shtetit të Kosovës”.

Deputeti shqiptar në Kuvendin e Maqedonisë e cilëson deklaratën e shefit të ekzekutivit maqedonas si të papranueshme, dhe e fton që ta tërheqë këtë deklaratë.

Ziadin Sela, uron gjithë shqiptarët për formimin e ushtrisë së Kosovës.

© ZHURNAL 14.12.2018, 23:17 | T.E.
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."