Shtatë aksidente në Shkup, lëndohet rëndë një këmbësor
kronika
Shtatë aksidente në Shkup, lëndohet rëndë një këmbësor

Shtatë aksidente në Shkup, lëndohet rëndë një këmbësor

Shkup, 4 dhjetor - Një këmbësor ka marrë lëndime të rënda trupore në një nga shtatë aksidentet që gjatë ditës së djeshme kanë ndodhur në Shkup. Në pesë aksidente lehtë janë lënduar gjashtë persona, ndërsa në dy aksidente është shkaktuar vetëm dëm material.

Nga SPB Shkup informojnë se gjatë ditës së djeshme policia rrugore ka zbuluar dhe sanksionuar një numër të madh të shkeljeve në komunikacion, 

 

“28 shoferë kanë lëvizur me shpejtësi më të madhe se e lejuara, një shofer është ndalur në mënyrë të parregullt, dy shoferë kanë bërë tejkalim të parregullt dhe tre nuk kanë pasur pajisjet e duhura dimërore”, thonë nga SPB Shkup.

Ata shtojnë se nga komunikacioni janë përjashtuar pesë shoferë, të cilët kanë qenë pa leje drejtimi dhe katër makina të paregjistruara.

© ZHURNAL 04.12.2018, 09:38 | D.J. | 605 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."

 

Sela i drejtohet Zaevit: Shiko punët e tua, mos u përziejë në punët e Kosovës

Shkup, 14 dhjetor - Kryetari i Aleancës së Shqiptarëve në Maqedoni, Ziadin Sela, ka reaguar ndaj deklaratave të kryeministrit të Maqedonisë, Zoran Zaev, se “ tani nuk është koha për ta formuar ushtrinë e Kosovës, dhe se Ballkani nuk duhet të bëhet fuqi baruti”.

Sela me këtë rast ka thënë se “bën thirrje tek liderët e shteteve të kenë kujdes për vendimet e marra, tregojnë fytyrën e zezë dhe nacionaliste të Kryeministrit Zaev, fillimisht ndaj shqiptarëve, Kosovës si dhe ndaj SHBA-ve si mbështetës kryesor i Kosovës në themelimin e Ushtrisë së saj”.

Ai shtoi se “Ky fjalor i Kryeministrit Zaev ndaj Ushtrisë së Kosovës vë në pikëpyetje edhe raportin e tij me SHBA duke lënë për të dyshuar se një Kosovë pa ushtri do ti konvenonte vetëm Serbisë dhe Rusisë. Andaj Kryeministri Zaev bën mirë të shikojë në oborrin e tij dhe ti bëjë reformat e duhura në Maqedoni dhe mos të përzihet në politikën e brendshme të shtetit të Kosovës”.

Deputeti shqiptar në Kuvendin e Maqedonisë e cilëson deklaratën e shefit të ekzekutivit maqedonas si të papranueshme, dhe e fton që ta tërheqë këtë deklaratë.

Ziadin Sela, uron gjithë shqiptarët për formimin e ushtrisë së Kosovës.

© ZHURNAL 14.12.2018, 23:17 | T.E.
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."